ഭയങ്കുരം

ഭയങ്കുരം

അപൂർവ്വ ഭീതിയുടെ എട്ട് ആഖ്യാനങ്ങൾ

അനിലേഷ് അനുരാഗ്

ഗർഭപാത്രത്തിന്റെ ഭിത്തികൾക്കുള്ളിൽ വച്ച് നമ്മുടെ ആദിഞരമ്പിൽ അലിഞ്ഞുചേരുന്ന അനന്യവികാരമാണ് ഭയം. മരണംവരെ പിരിയാത്തൊരു മറുപിള്ളയെ പോലെ അത് ഓരോ ചുവടിലും നമ്മെ നിശ്ശബ്ദമായി അനുഗമിയ്ക്കും. എങ്കിലും, ഭയത്തെ ഒരൊറ്റ നിറത്തിലോ, നിർവ്വചനത്തിലോ ഒതുക്കാൻ കഴിയുകയില്ല. അനൈച്ഛികമായ ഞെട്ടിത്തരിക്കൽ പ്രതികരണങ്ങൾ മുതൽ തേച്ചാലും, മായ്ച്ചാലും മാറാത്ത ദുരൂഹതകൾ വരെ ഭയത്തിൻറെ ഭാവങ്ങളാണ്. ഇരുട്ടിലുണ്ടായി വരുന്ന നൈമിഷിക ഭയം പകലിലും കൊഴിയാത്ത കറയാകുമ്പോൾ അത് ഭീതിയായി മാറുന്നു. മരണത്തിനേക്കാൾ വലിയ മറപ്പൊരുളാണ് ഭീതി. കഥയവസാനിച്ചാലും, യവനിക വീണാലും ചുറ്റഴിഞ്ഞുതീരാത്ത നിഗൂഢതയാണ് ഭീതി.